မြန်မာနိုင်ငံကွန်ပျူတာပညာရှင်အသင်းမှ ကြီးမှူး၍ MCPA ICT Tour 2018 နည်းပညာဟောပြောပွဲကို ၂၀၁၈ ခုနှစ်၊ သြဂုတ်လ (၂၉) ရက် (ဗုဒ္ဓဟူးနေ့) နေ့လယ် (၁:၀၀) နာရီမှ (၃:၀၀) နာရီအထိ ရန်ကုန် နည်းပညာတက္ကသိုလ် ၌ ကျင်းပ ပြုလုပ်ခဲ့ပြီး၊ ရန်ကုန်နည်းပညာတက္ကသိုလ်၏ Computer Engineering and Information Technology Department ၏ ပါမောက္ခ ဒေါက်တာငြိမ်းငြိမ်းဦးက အဖွင့်အမှာစကား ပြောကြားခဲ့ပြီး မြန်မာနိုင်ငံကွန်ပျူတာပညာရှင်အသင်း ဥက္ကဋ္ဌ ဦးသောင်းစုငြိမ်းက အမှာစကား ပြောကြားခဲ့ ပါသည်။

အဆိုပါ နည်းပညာဟောပြောပွဲတွင် မြန်မာနိုင်ငံကွန်ပျူတာပညာရှင်အသင်း ဥက္ကဋ္ဌ ဦးသောင်းစုငြိမ်းက “Progressive Web Apps” ခေါင်းစဉ်ဖြင့်လည်းကောင်း၊ ရန်ကုန်တိုင်းဒေသကြီးကွန်ပျူတာပညာရှင်အသင်း ဥက္ကဋ္ဌ ဦးအောင်စိုးမိုး က “Top 10 Technology Trends for 2018” ခေါင်းစဉ်ဖြင့် လည်းကောင်း၊ မြန်မာနိုင်ငံ ကွန်ပျူတာပညာရှင်အသင်း စာမေးပွဲကော်မတီ ဥက္ကဋ္ဌ ဦးအောင်ဇော်မြင့်က “Today Cyber Crimes” ခေါင်းစဉ်ဖြင့်လည်းကောင်း၊ ရန်ကုန်တိုင်းဒေသကြီးကွန်ပျူတာပညာရှင်အသင်း အလုပ်အမှုဆောင် ဦးတင်မောင် မောင်ယဉ်က “Creating WebVR Using A-Frame” ခေါင်းစဉ်ဖြင့် လည်းကောင်း ဆွေးနွေး ဟောပြော Hands On ပြသပေးခဲ့ပါသည်။

ဆွေးနွေးပွဲသို့ တက်ရောက်လာသူ ကျောင်းသားကျောင်းသူများမှ သိရှိလိုသည်များကို မေးမြန်းခဲ့ကြရာ အလုပ်အမှုဆောင်များက ပြန်လည်ရှင်းလင်းဖြေကြားပေးခဲ့ပြီး ဟောပြောပွဲ အခမ်းအနားကို အောင်မြင်စွာဖြင့် ကျင်းပပြုလုပ်ခဲ့ပါသည်။