ပို့ဆောင်ရေးနှင့် ဆက်သွယ်ရေးဝန်ကြီးဌာန၊ Asia Pacific Telecommunity (APT) တို့၏ ပံ့ပိုးမှုဖြင့် မြန်မာနိုင်ငံကွန်ပျူတာအသင်းချုပ်က ဦးဆောင်ကျင်းပသည့် “APT Young Professional and Student Programme (APTYPS) Robotic Competition Myanmar 2018” ကို ၂၀၁၈ ခုနှစ်၊ ဒီဇင်ဘာလ (၂၂) ရက်၊ စနေနေ့တွင် Conference Hall, Main Building, MICT Park ၌ ကျင်းပပြုလုပ်ခဲ့ရာ “Fire Fighting” ခေါင်းစဉ် ၌အဖွဲ့ (၁၀) ဖွဲ့ နှင့် “Search & Rescue” ခေါင်းစဉ်၌ အဖွဲ့ (၁၀) ဖွဲ့တို့မှ ဝင်ရောက်ယှဉ်ပြိုင်ခဲ့ကြပါသည်။
အဆိုပါ ပြိုင်ပွဲ၏ ဆုပေးပွဲအခမ်းအနားကို ညနေ (၄:၀၀) နာရီ၌ ကျင်းပခဲ့ရာ အခမ်းအနား၌ ပို့ဆောင်ရေးနှင့် ဆက်သွယ်ရေးဝန်ကြီးဌာန၏ ဒုတိယအမြဲတမ်းအတွင်းဝန် ဦးမိုးကျော်စိုးက အဖွင့်အမှာစကားပြောကြားခြင်းနှင့် မြန်မာနိုင်ငံကွန်ပျူတာပညာရှင်အသင်း ဥက္ကဋ္ဌ ဦးသောင်းစုငြိမ်းက ပြိုင်ပွဲကျင်းပရခြင်းနှင့် ပတ်သက်၍ ရှင်းလင်းပြောကြားခဲ့ကြပါသည်။
ထို ပြိုင်ပွဲ၌ “Fire Fighting” ခေါင်းစဉ်ဖြင့် ပထမဆုကို Yangon Technological University မှ “Team Spades” အဖွဲ့က လည်းကောင်း၊ “Search & Rescue” ခေါင်းစဉ်ဖြင့် ပထမဆုကို University of Information Technology မှ “GG” အဖွဲ့ကလည်းကောင်း ဆွတ်ခူးခဲ့ကြပြီး၊ Best Comcept & Innovative Design Prize များကို Fire Fighting” ပြိုင်ပွဲ၌ University of Computer Studies, Magway မှ “CU MGW” အဖွဲ့ကလည်းကောင်း ၊ “Search & Rescue” ပြိုင်ပွဲ၌ Universities of Computer Studies, Thahton ကျောင်းမှ “1 : 1” အဖွဲ့ကလည်းကောင်း ဆွတ်ခူးခဲ့ကြပါသည်။