Events

 သတင်းအချက်အလက် နှင့် ဆက်သွယ်ရေးနည်းပညာဖွံ့ဖြိုးတိုးတက်ရေးအတွက် မြန်မာနိုင်ငံကွန်ပျူတာပညာရှင်အသင်းမှကြီးမှူး၍ စနစ်ကျနသော Project Management အသိပညာများ၊ အတတ်ပညာများကို မြန်မာလူငယ်များ ပိုမို နားလည်သဘောပေါက်စေရန်ဟူသော ရည်ရွယ်ချက်များဖြင့် “Project Management Body of Knowledge” ခေါင်းစဉ်ဖြင့် Australia နိုင်ငံရှိ Fuji Xerox ကုမ္ပဏီမှ မြန်မာလူမျိုး Project Manager ဖြစ်သူ ဦးဝဏ္ဏညွန့်မှ အောက်တိုဘာလ (၁၁) ရက် တနင်္ဂနွေနေ့ နံနက် (၉း၀၀) နာရီမှ နေ့လည် (၁၂း၀၀) နာရီအထိ ရန်ကုန်မြို့၊ လှိုင်မြို့နယ်၊ မြန်မာအင်ဖိုတက်ခ်၊ Conference Hall တွင် ဆွေးနွေးဟောပြောမည်ဖြစ်ပါသည်။

အဆိုပါဆွေးနွေးပွဲတွင် Project Manager တစ်ယောက်ဖြစ်လာစေရန် သိသင့်သိထိုက်သော Project Management Processes, Project Planning Strategies, 9 Project Management Knowledge Area တို့ကို အသေးစိတ်ဆွေးနွေး ဟောပြောပေးသွားမည်ဖြစ်ပါသည်။

ဆွေးနွေးဟောပြောပွဲသို့ မြန်မာနိုင်ငံကွန်ပျူတာပညာရှင်အသင်းဝင်များ၊  Project Management ဘာသာရပ်ကို စိတ်ဝင်စားသူများ၊ အင်ဂျင်နီယာများ နှင့် စိတ်ပါဝင်စားသူမည်သူမဆို (အခမဲ့) တက်ရောက်ဆွေးနွေးနိုင်သည်။ အသေးစိတ်သိရှိလိုပါက မြန်မာနိုင်ငံကွန်ပျူတာပညာရှင်အသင်းရုံးခန်း၊ အဆောင်(၄) အခန်း(၄)၊ ဖုန်းနံပါတ် - ၆၅၂၂၇၆ သို့ဆက်သွယ် စုံစမ်းနိုင်သည်။